तू , मी आणि विरह -
==================================

काही अलगद हातातून सुटले..
     जे माझे कधीच नव्हते..
तर मग का मन दुखले..
     का डोळे आता उगाच झाले ओले..

------------------------------------

मी माझे मनाला खूप समजावून बघितले..
     मनाने तरी कितीदा फक्त तुझेच नाव घेतले..
शब्द शब्द रुतला उराशी शेवटचा भेटीतला..
     हुंकारल्या राती अन मनाचा प्रत्येक कोपरा पुन्हा ओला..

-----------------------------------------------------------------

काही जाणीवा अबोल असल्या तरी हव्या असतात..
     डोळ्यांना पाझर फुटावे इतक्या दूर त्या ...राहतात..
स्मरणिका हळवी झाली जरी तिच्याच श्वासांनी
     तरी देखील तिच्या आठवांचे थवे मनावर साठतात..

---------------------------------------------------------------------

आज पुन्हा तुझी आठवण..
     अन पुन्हा गहीवरेल मन..
पुन्हा तीच ती कातरवेळ तोच नदीकाठ भेटीचा
     अन डोळ्यात तरंगणारा एक एक क्षण..